#1: [gal] Outra libraría que pecha: Encontros en Santiago Autor: lourixe, Ubicación: Via XIX per loca maritimaPublicado: Sab May 21, 2016 11:43 pm A libraría Encontros está na rúa do Vilar de Santiago de Compostela, case chegando á praza do Toural. É unha libraría de fondo, unha das miñas favoritas cando vivía aló. Non sei as razóns do peche: de feito comezaron a liquidar a principios de mes, mesmo libros recén saídos que lles acababan de distribuír. Nestes momentos fan descontos do 30 ao 40%.
#2: Autor: petitejolie, Ubicación: LugoPublicado: Dom May 22, 2016 11:35 am Vinno na prensa non fai moitos días...e xa falababan de quén a collería de novo, polo tema de seren unha libraría emblemática.
Para min era a mellor do antigo, cando eu andaba por aló.
#3: Autor: petitejolie, Ubicación: LugoPublicado: Jue Jun 09, 2016 1:17 pm Na Coruña hai anunciado outro peche!!!
Librería Molist...visitádea, aínda que sexa nun acto de xustiza poética
#4: Autor: lourixe, Ubicación: Via XIX per loca maritimaPublicado: Vie Jun 10, 2016 6:24 pm Esta mañá tiven unha interesante conversa con Mitas, propietaria da Livraria Suévia, na rúa Vila de Negreira da Coruña (barrio da Agra de Orzán). Algúns libreiros bótanlle a culpa da perda de vendas ao libro dixital. Mentira. É falta de se adaptaren eles aos novos tempos, novos produtos e novas preferencias dos clientes, como ben se lé neste artículo de hai xa 4 anos.
Comentoume o caso dun rapaz que entrou preguntando polo libro de Pablo Vaamonde sobre a sanidade pública en Galicia. Noutras librarías (teoricamente máis importantes) da Coruña non o tiñan e dixéronlle que estaba esgotado. En realidade o que pasara é que xa venderan os 2-3 exemplares que a distribuidora (pouco eficiente, por certo) lles deixara en depósito, e tiñan preguiza de pedir máis.
Por certo que en Suévia podedes atopar ou pedir todo tipo de rarezas en galego, portugués ou mesmo noutros idiomas minorizados e volos buscan. E non levo comisión!